ائلیمین اوبامین سازینا بندم

ظولمه باش اَیمی‌ین قئزینا بندم

گورمه‌لی قئشینا یازینا بندم

افتخاریم بو دور آزربایجان قئزییام

بینامی قویوبدور عشقیله آنام

اویره‌دیب ائلی مین دردینه یانام

اولکه‌می عزتیم شرفیم سانام

افتخاریم بو دور آزربایجان قئزییام


کوکومو قازمالار، قورودا بیلمز

اوزگه‌لر دیلیمی اونودا بیلمز

سوزو دوشونمی‌ین، بونودا بیلمز

افتخاریم بو دور آزربایجان قئزییام


قوربانام آدینا آزربایجانین

یورغون اولادینا آزربایجانین

ائل چاتسین دادینا آزربایجانین

افتخاریم بو دور آزربایجان قئزییام